سکریپ گودام میں آتشزدگی ‘لاکھوں مالیت کا سامان جل گیا 

لاہور(نامہ نگار) سکریپ کے گودام میں آگ لگنے سے لاکھوں روپے مالیت کا سامان جل گیا ۔ ماڈل ٹائون لنک روڈ پر واقع سکریپ کے گودام میں اچانک آگ بھڑک اٹھی جس نے دیکھتے ہی دیکھتے پورے گودام کو لپیٹ میں لے لیا۔آگ اس قدر شدید تھی کہ شعلے دور تک دکھائی دیتے رہے۔ اطلاع ملنے پر ریسکیو ٹیمیں موقع پر پہنچ گئیں‘آپریشن میں 7 گاڑیوں نے حصہ لیا،عملے نے کافی جدوجہد کے بعد آگ پر قابو پا لیاہے۔لاکھوں روپے مالیت کا سامان جل کرخاکستر ہو گیا ہے۔