سٹرٹیجک اداروں سے وابستہ 35 سائنسدانوں‘ انجینئرز کو اعزازات عطا

اسلام آباد (خبر نگار خصوصی) سٹرٹیجک اداروں سے وابستہ نمایاں سائنسدانوں اور انجینئرز کو اعزازات سے نوازا گیا۔ آئی ایس پی آر  کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا نے صدر کی جانب سے اعزازات عطا کئے۔ سائنسدانوں اور انجینئرز کو ایوارڈ دینے کی تقریب چکلالہ گیریژن راولپنڈی میں ہوئی۔ مجموعی طور پر 35 افسروں کو ایوارڈز سے نوازا گیا۔ 7 افسروں کو ستارہ امتیاز اور 15 کو صدارتی تمغہ حسن کارکردگی‘  13 کو تمغہ امتیاز سے نوازا گیا۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا نے سائنسدانوں اور انجینئرز کو خراج تحسین پیش کیا۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا نے سائنسدانوں اور انجینئرز کو گمنام ہیرو قرار دیتے ہوئے کہا کہ آپ سب کی بے لوث خدمات ایک پرعزم قوم کی بنیادوں کیلئے تقویت کا باعث ہیں۔ قوم ہمیشہ آپ کی مقروض رہے گی۔