نوشہرہ ورکاں (نامہ نگار+ نمائندہ نوائے وقت)بجلی کی لٹکتی تار گردن پر پھرنے سے 25 سالہ نوجوان شدید زخمی ہو گیا۔ تفصیلات کے مطابق  نواحی گاؤں چک دونی چند کا رہائشی پچیس سالہ زیک مسیح اپنی فیملی کے ساتھ موٹر سائیکل پر گوجرانوالہ جارہا تھا کہ مٹو بھائیکے گاؤں میں ان سے آگے جاتی ٹریکٹر ٹرالی کے ساتھ بجلی کی تار اٹک کے نیچے آگری جو زیک مسیح کے گلے میں آلگی جس سے اس کی گردن زخمی ہو گئی ریسکیو 1122 نے زخمی کو ہسپتال منتقل کر دیا جہاں سے تشویشناک حالت کے پیش نظر ڈی ایچ کیو ہسپتال گوجرانوالہ منتقل کر دیا گیا۔