ضمنی الیکشن میں مسلم لیگ (ن)کا کلین سویپ عوام کی فتح :شمع بٹ 

قلعہ دیدار سنگھ(نمائندہ خصوصی)ضمنی الیکشن میں مسلم لیگ (ن)کا کلین سویپ کرنا عوام کی فتح ہے۔وزیر اعظم شہباز شریف کی قیادت میں وزیر اعلیٰ مریم نواز پنجاب کو ترقی کی شاہراہ پر گامزن کر رہی ہے۔ان خیالات کا اظہار صدر مسلم لیگ (ن)’’پرتگال’’شمع بٹ نے نمائندہ خصوصی نوائے وقت ‘‘حسیب پندھیر’’سے گفتگو کرتے ہوئے کیا۔انہوں نے کہا الحمد اللہ پاکستانی قوم باشعور ہوچکی ہے اور حالیہ ضمنی الیکشن میں مسلم لیگ ن کی قیادت پر مکمل اعتماد کا اظہار عوامی ووٹ کی صورت میں نظر آیا ہے اور عوام نے ایک بار پھر نواز لیگ کے حق میں فیصلہ دے کر پارٹی کی مقبولیت ثابت کر دی ہے۔