گھریلو جھگڑے پرساتھی کی مدد سے فائرنگ کر کے سوتیلے بھائی کو قتل کر دیا

فیروزوالہ (نامہ نگار )جی ٹی روڈ کی آبادی سکیم نمبر 1 رانا ٹاون میںگھریلو جھگڑے کی بنا پر نوجوان روحیل نے اپنے ساتھی کی مدد سے فائرنگ کر کے اپنے سوتیلے بھائی نوجوان عدنا ن احمد کو قتل اور اسکے دوست کو شدید زخمی کر دیا ملزمان فرار ہوگئے بتایا گیا ہے کہ نوجوان عدنان اپنے دوست محمد طارق کے ہمراہ اپنے گھر کے قریب پلاٹ میں بیٹھے باتیں کر رہے تھے کہ اس دوران موٹر سائیکل سوار روحیل اپنے ساتھی کے ہمراہ مسلح ہو کر آگئے جنہوں نے اندھا دھند فائرنگ کرکے شدید زخمی کر دیا جنہیں طبی امداد کیلئے ہسپتال لایا گیا جہاں پر عدنان احمد زخموں کی تاب نہ لاتے ہو ئے دم تو ڑ گیا ۔