یورپی یونین کے چھ ممالک نے دو ہفتے تک سمندر میں امدادی بحری جہاز میں پھنسے ہوئے تین سوچھپن تارکین وطن کو پناہ دینے پراتفاق کیاہے جس سے بحیرہ روم میں تارکین وطن کے معاملے پررکن ملکوں کے درمیان پائی جانے والی موجودہ کشمکش کا خاتمہ ہوگیاہے۔
تارکین وطن کے امور کے بارے میں یورپی یونین کے کمشنر اور مالٹا کے وزیراعظم نے کہا کہ بحری جہاز پرپھنسے ہوئے تارکین وطن کو پہلے مالٹا لے جایاجائے گا جہاں سے انہیں فرانس، جرمنی، رومانیہ، لیگسمبرگ، پرتگال اورآئرلینڈمنتقل کیاجائے گا۔
