پاکپتن: باپ کا چوری کے الزام میں گونگے‘ بہرے بیٹے پر تشدد‘ رسیوں سے باندھ کر گھماتا رہا

پاکپتن (نمائندہ نوائے وقت) چوری کے الزام میں باپ کے ہاتھوں گونگے بہرے بیٹے کی تذلیل، باپ اپنے ہی لخت جگر کو تشدد کا نشانہ بنانے کے بعد رسیوں سے باندھ کر رکشہ میں گھماتا رہا۔ گونگا بہرا بیٹا بے چارگی کے عالم میں چینختا رہا مگر باپ کو رحم نہ آیا۔ پاکپتن کے علاقے بستی غلام فرید ملیکے کا رہا ئشی نذیر احمد گونگے بہرے بیٹے کو چوری کے الزام میں تذلیل کا نشانہ بناتا رہا۔ باپ گونگے بہریبیٹے کو تشدد کا نشانہ بنانے کے بعد رسیوں سے باندھ کر رکشہ میں گھماتا رہا جس کی فوٹیج منظر عام پر آ گئی۔ بیٹے کو گھمانے والے باپ کا کہنا ہے کہ بیٹا گونگا بہرا ہے،جائیداد سے بھی عاق کر رکھا ہے، موٹر سائیکل چوری کی تھی سزا کے طور پر گھما رہا ہوں۔