راولپنڈی (اپنے سٹاف رپورٹر سے)جی ٹی روڈ پر راولپنڈی کی طرف آنے والے ٹرک کی بریک فیل ہونے کی وجہ سے وہ میڈین عبور کرتے ہوئے دوسری جانب ویگن سے ٹکرا گیا اس حادثے میں 30 سالہ نامعلوم نوجوان جان کی بازی ہار گیاجبکہ 6 افراد شہری شدید زخمی ہوگئے رسکیو1122کے مطابق ٹرک جو کہ پنڈی کی طرف آ رہا تھا اس کی بریک فیل ہونے کی وجہ سے گرین بیلٹ کراس کر کے روڈ کے دوسری طرف جاتے چکوال جاتے ہوئے والی ویگن اور بائیک سے جا ٹکرایا جس کی وجہ سے ویگن الٹی ہوگئی،اس حادثے کے نتیجے میں 30سالہ نامعلوم نوجوان جان کی بازی ہار گیا،جبکہ 29سالہ احتشام ،24سالہ خلیل ،25سالہ سمرتاب علی ،15سالہ محمد یاسین 56سالہ یاسمین بیگم ،اور55سالہ سعدیہ کو جسم کے مختلف مقامات پر شدید چوٹیں آئی ہیں جنھیں پمس ہسپتال اسلام آباد منتقل کردیاگیا۔