شوروم پربیٹھے شہریوں سے ملزمان 9لاکھ روپے ، موبائل چھین کر فرار

راولپنڈی(اپنے سٹاف رپورٹر سے) ڈکیتی ، چوری اور سرقہ بالجبر کی وارداتوں میں شہری نقدی ، طلائی زیورات ، موٹر سائیکل سمیت قیمتی اشیاء سے ہاتھ دھو بیٹھے تھانہ ایئر پورٹ کو ریاض حسین نے بتایا کہ سروس روڈ پر شوروم میںبیٹھے تھے کہ نامعلوم افراد نے 7لاکھ روپے ، تلاشی کرتے ہوئے جیبوں سے 2لاکھ روپے اور تین موبائل فون چھین لئے، تھانہ ایئر پورٹ کو اللہ بخش نے بتایا کہ دکان پر ناشتہ کر رہاتھا کہ تین مسلح افراد داخل ہوئے اور گن پوائنٹ پر چار ہزارروپے کی نقدی اور موبائل فون چھین کر فرار ہوگئے تھانہ بنی کو محمد سلام نے بتایا کہ ڈگری کالج چوک میں چھوٹے بھائی عمر زمان کاشی اور تنویرسے نامعلوم موٹر سائیکل سواروں نے 65ہزار روپے کی نقدی موبائل فون چھین لئے ، تھانہ نیو ٹائون کو چوہدری لہراسب نے بتایا کہ نامعلوم چوروں نے لوہے کا جنگلا مالیتی15000روپے چوری کرلیا۔