فٹبال میچ کے دوران ریفری آپے سے باہر، کھلاڑی پر فائرنگ، گرفتار کرلیاگیا

نیوجرسی(آئی این پی)میچ ریفری نے کھلاڑی سے تلخ کلامی کے بعد اس پر پستول تان لی، فائرنگ کے بعد پولیس نے فوری کارروائی کرتے ہوئے ملزم کو حراست میں لے لیا۔غیر ملکی خبر رساں ادارے کی رپورٹ کے مطابق امریکہ سے تعلق رکھنے والے ایک فٹ بال ریفری کو ایک میچ کے دوران مبینہ طور پر شائقین کی جانب پستول چلانے کے بعد گرفتار کرلیا گیا۔اوکلاہوما کے پالس ویلی سپورٹس کمپلیکس میں کھیلے جانے والے ایک فٹبال میچ میں صورتحال اس وقت خراب ہوگئی جب ریفری نے ایک کھلاڑی پر پستول تان لی۔ڈیوی بازیت نامی ریفری نے ایک کھلاڑی کو ریڈ کارڈ دکھایا جس پر ان کے درمیان تلخ کلامی ہوگئی اور ایک دوسرے کو برا بھلا کہنے لگے۔اس جھڑپ کے بعد ریفری شدید غصے کی حالت میں دوڑتا ہوا اپنے منی ٹرک کی جانب گیا اس میں سے اپنی پستول نکال کر کھلاڑی کی جانب کی اور پھر اس کا رخ شائقین کی جانب کرتے ہوئے فائر کردیا۔اس سارے منظر کی ویڈیو ایک تماشائی نے اپنے کیمرے میں محفوظ کرلی، بعد ازاں واپس آیا اور گاڑی مین بیٹھ کر وہاں سے چلا گیا۔ پولیس نے فوری کارروائی کرتے ہوئے ریفری کو گرفتار کرلیا ۔