پاک فوج کے ہیلی کاپٹروں کے ذریعے دور دراز علاقوں میں امدادی سامان تقسیم

ملتان ( نمائندہ نوائے وقت)  پاک فوج کے ہیلی کاپٹروں نے ڈی جی خان ضلع کے دور دراز اور ناقابل رسائی علاقوں میں سیلاب سے متاثرہ لوگوں کے لیے امدادی سامان کی تقسیم میں سول انتظامیہ کی مدد کی ہے۔  پاک آرمی ایوی ایشن کے ہیلی کاپٹروں نے ڈی جی خان کے سب سے زیادہ متاثرہ علاقوں میں امدادی کارروائیوں کے لیے 4 پروازیں کی ہیں جن میں مبارکی، فضلہ کیچ اور بستی بزدار شامل ہیں۔ سیلاب متاثرین تک خیمے اور راشن بھی پہنچا دیا گیا۔