بھارتیوں کو دیکھ کر شارجہ کا چھکا یاد آگیا، جاوید میانداد کی واہگہ بارڈر پر گفتگو

لاہور(سپورٹس رپورٹر)پاکستان کرکٹ ٹیم کے سابق کپتان جاوید میانداد واہگہ بارڈر پر پرچم اتارنے کی پروقار تقریب میں مہمان خصوصی کے طور پر شریک ہوئے،واہگہ بارڈرپر پرچم اتارنے کی پروقارتقریب میں جاوید میانداد کا استقبال رینجزر حکام نے کیا، لوگ ولولہ انگیز پریڈ کے دلکش مناظرسے خوب محظوظ ہوئے اور پاکستان زندہ باد کے نعرے لگائے گئے جبکہ شرکا نے جاوید میانداد کے ساتھ تصاویر بھی بنوائیں،اس موقع پر جاوید میانداد کا کہنا تھا کہ لوگوں کا جذبہ دیکھ کر خوشی ہوئی، بارڈر پر سامنے بھارتیوں کو دیکھ کر انہیں اپنا شارجہ والا چھکا یاد آگیا،تقریب کے اختتام پر رینجرز حکام کی جانب سے جاوید میانداد کو یادگاری شیلڈ بھی دی۔