مکہ مکرمہ میں طوفان بادو باراں طواف جاری رہا ‘ ایمان افروز مناظر

مکہ مکرمہ (نوائے وقت رپورٹ) مکہ مکرمہ میں طوفانی بارش کے باوجود عازمین عمرہ خانہ کعبہ کا طواف کرتے رہے۔ مکہ مکرمہ میں موسلا دھار طوفانی بارش کے دوران مسجد الحرام میں ایمان افروز مناظر دیکھنے میں آئے۔ طوفانی بارش کے باوجود عازمین عمرہ طواف کرتے اور اللہ تعالیٰ کی حمد وثنا بیان کرتے رہے۔ طوفانی ہواو¿ں کے جھکڑوں سے مسجد الحرام کے صحن میں مختلف اشیاءاڑ گئیں اور صفائی پر مامور عملہ بھی توازن برقرار نہ رکھتے ہوئے پھسل گیا۔ مسجد الحرام کے اطراف کی سڑکوں سمیت مکہ مکرمہ کے دیگر علاقے بھی زیر آب آ گئے۔ طوفانی بارش کے دوران مکہ ٹاور کے اوپر بجلی چمکنے کے مناظر سوشل میڈیا پر وائرل ہوگئے۔ حرمین شریفین کی انتظامیہ نے کہا ہے کہ زائرین اور نمازیوں کی سہولت کے لیے مطاف، نماز کے مقامات، داخلی راستوں پر پانی کی فوری نکاسی اور فرش خشک کرنے کو یقینی بنایا گیا ہے۔
مکہ مکرمہ بارش