یو ایس ماسٹرز ٹی 10 لیگ ،شاہد آفریدی کی دھواں دھار بیٹنگ‘ گوتم گمبھیرلڑ پڑے

لاہور(سپورٹس رپورٹر)سابق کپتان شاہد آفریدی نے یو ایس ماسٹرز ٹی 10 لیگ میں دھواں دھار بیٹنگ کی تو حواس باختہ گمبھیر لڑ پڑے۔شاہد آفریدی جو ان دنوں یو ایس ماسٹرز ٹی 10 لیگ میں شریک ہیںنے برق رفتار اننگز میں بلند وبالا چھکے اور نصف درجن چوکے لگا کر مخالف کھلاڑی گوتم گمبھیر کو اس قدر حواس باختہ کیا کہ وہ آفریدی سے جھڑپ کر بیٹھے۔شاہد آفریدی نے 12 گیندوں پر 37 رنز کی اننگز کھیلی ۔ مخالف کپتان گوتم گمبھیر اتنے حواس باختہ ہوئے کہ وہ شاہد آفریدی سے الجھ پڑے اور ان میں لفظی جھڑپ ہو گئی۔واضح رہے کہ دونوں کھلاڑیوں کے درمیان پرانی مخاصمت چلی آرہی ہے ۔