نگران وزیر خارجہ سے چینی ناظم الامور امریکی اماراتی سفیروں کی ملاقاتیں، کویتی ہم منصب کا فون

اسلام آباد (خصوصی نامہ نگار+ نوائے وقت رپورٹ) نگران وزیر خارجہ جلیل عباس جیلانی سے پاکستان میں متحدہ عرب امارات کے سفیر حماد عبید الزابی نے وزارت خا رجہ ملاقات کی۔ تر جمان دفتر خارجہ کے مطابق باہمی دلچسپی کے دوطرفہ، علاقائی اور کثیر الجہتی امور اور دونوں ممالک کے درمیان تجارت اور سرمایہ کاری کے تعلقات کو بڑھانے کے امکانات پر تبادلہ خیال کیا۔ چین کی پا کستان میں ناظم الامور نے بھی نگراں وزیر خارجہ جلیل عباس جیلانی سے ملیں، چین کی ناظم الامور PANG CHUNXUE اور جلیل عباس جیلانی کے درمیان ملا قات کے دوران پاکستان اور چین نے باہمی تعاون پر مبنی سدا بہار تذویراتی اشتراک عمل کو مزید مستحکم کرنے کے عزم کا اعادہ کیا ہے۔ امریکی سفیر ڈونلڈ بلوم نے جلیل عباس جیلانی سے ملاقات کی۔ دوطرفہ تعلقات پر تبادلہ خیال کیا گیا، انہوں نے اقتصادی اور سکیورٹی تعاون کو مزید وسعت دینے پر بھی اتفاق کیا۔ جلیل عباس جیلانی سے ٹویٹ کے ہم منصب نے ٹیلی فونک رابطہ کیا۔ نگران وزیر خارجہ نے کہا کہ کویتی ہم منصب نے مجھے مبارکباد دی۔ باہمی دلچسپی کے امور پر تبادلہ خیال کیا گیا۔ نگران وزیر خارجہ نے مشکل وقت میں پاکستان کا ساتھ دینے پر شکریہ اد کیا۔
ملاقاتیں