لاہور(سپورٹس رپورٹر)برطانیہ کے شہر برمنگھم میں جاری ورلڈ بلائنڈ گیمز کرکٹ کے مقابلوں میں پاکستان کی مسلسل تیسری فتح، پول مرحلہ میں پہلی پوزیشن حاصل کرکے پاکستان نے براہ راست فائنل کیلئے کوالیفائی کر لیا۔پاکستان بلائنڈ  ٹیم نے آسٹریلیا بلائنڈ ٹیم کو تیسرے میچ میں  6 وکٹ سے شکست دیکر پول میچز میں لگاتار تیسری فتح حاصل کی۔ آسٹریلیا بلائنڈ کی ٹیم نے پاکستان کو 108 رنز کا ٹارگٹ دیا۔پاکستان بلائنڈ کے کھلاڑیوں نے 15 ویں اوور میں ہدف حاصل کرلیا۔ پاکستان نے پول مرحلہ میں پہلی پوزیشن حاصل کرکے براہ راست فائنل میں جگہ بنا لی ۔ دوسری اور تیسری پوزیشن کی ٹیمیں ایلیمنٹر کھیلیں گی۔ پاکستان آج آخری میچ انگلینڈ کیخلاف کھیلے گا۔