نیپال کرکٹ ٹیم ایشیا کپ میں شرکت کیلئے کراچی پہنچ گئی

لاہور(سپورٹس رپورٹر)نیپال کرکٹ ٹیم ایشیا کپ میں شرکت کیلئے کراچی پہنچ گئی۔نیپال اور پاکستان کے مابین ایشیا کپ کا افتتاحی میچ 30 اگست کو ملتان کرکٹ سٹیڈیم میں کھیلا جائے گا۔نیپال کی ٹیم کراچی میں دو دن پریکٹس کرے گی اورایک دن پریکٹس میچ کھیلے گی،نیپال کرکٹ ٹیم 27 اگست کوکراچی سے ملتان روانہ ہوگی۔نیپال کرکٹ فیڈریشن نے ایشیا کپ سے قبل پاکستان میں پریکٹس کیلئے پاکستان کرکٹ بورڈ سے ٹیم پہلے بھیجنے کی درخواست کی تھی جسے پی سی بی نے قبول کرلیا تھا ۔