لاہور(کامرس رپورٹر) سیکرٹری رجسٹرار و ڈپٹی رجسٹرار کی ہدایت پر ریل ٹائون کوآپریٹو سوسائٹی لمیٹڈ لاہور میں ڈینگی آگاہی واک کا اہتمام کیا گیا۔واک کی قیادت نائب صدر سید شبیر حسین شاہ نے کی ۔محکمہ کوآپریٹو کی جانب سے اسسٹنٹ رجسٹرار جہانزیب اکبر ، انسپکٹر تنویر احمد قاری، طارق محمود سندھو شریک ہوئے، اس کے علاوہ نعیم حیدر چوہدری، ندیم عبداللہ، سید شبیر حسین شاہ ،نوید ملک، شفقت جاوید چاولہ، توصیف ارشاد، محمد حلیم ،شہباز رشید ،بلال احمد و دیگر نے کثیر تعداد میں ڈینگی آگاہی واک میں شرکت کی۔ انسداد ڈینگی مہم کے سلسلے میں تمام سوسائٹی میں ڈینگی آگاہی بارے پمفلٹ تقسیم کئے۔ ۔ جہانزیب اکبرنے کہا ڈینگی سے پاک پنجاب ہمارا عزم ہے۔ ہم ڈینگی کو شکست دینگے اور پورے پنجاب بلکہ پاکستان کو ڈینگی سے بچائیں گے۔ سید شبیر حسین شاہ،نعیم حیدر چوہدری نے کہا سیکرٹری رجسٹرار کی ہدایت پر پوری سوسائٹی میں ڈینگی مچھر مار سپرے کرایا گیا ہے۔