لاہور(سپورٹس رپورٹر)سری لنکا اور نیوزی لینڈ کے درمیان ٹیسٹ سیریز کا پہلا میچ 5 کے بجائے 6 روز پر مشتمل ہو گا۔نیوزی لینڈ کی ٹیم ستمبر میں دوٹیسٹ میچز کیلئے سری لنکا کا دورہ کریگی، دونوں ٹیموں کے درمیان پہلا ٹیسٹ 6 روز پر مشتمل ہو گا، پہلا ٹیسٹ میچ گال میں 18 ستمبر سے 23 ستمبر تک کھیلا جائیگا۔سری لنکا اور نیوزی لینڈ کے درمیان دوسرا ٹیسٹ میچ 26 ستمبر سے گال میں کھیلا جائیگا، دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں۔ سری لنکا میں صدارتی الیکشن کی وجہ سے ٹیسٹ میچ 6 روز کا رکھا گیا ہے، 21 ستمبر کو پہلے ٹیسٹ میچ کا ریسٹ ڈے قرار دیا گیا ہے۔20 سال میں پہلی بار ٹیسٹ میچ 6 روز پر مشتمل ہو گا، آخری بار 2008 میں بنگلہ دیش اور سری لنکا کے درمیان ٹیسٹ میچ الیکشن کی وجہ سے 6 روز پر مشتمل تھا۔