جنرل ہسپتال کے لیڈیز ہوسٹل سے چوریاں کرنیوالا ملزم گرفتار

لاہور(نامہ نگار)کوٹ لکھپت پولیس نے جنرل ہسپتال کے لیڈیز ہوسٹل سے چوریاں کرنے والے ملزم کو گرفتار کر لیا ہے۔ایس ایچ او تھانہ کو لکھپت شیخ عمران انوار نے سی سی ٹی وی فوٹیج کی مدد سے ملزم کو گرفتار کیا ہے۔ملزم پہلے بھی ہوسٹل سکیورٹی کو چکما دیکر ہوسٹل سے موبائل فون اور دیگر چیزیں چوری کر چکا ہے۔ملزم سے چوری شدہ موبائلز برآمد کرکے مقدمہ درج کر لیا گیا ہے۔