سیول(آئی این پی)جنوبی کوریا میں ایک ہوٹل میں آتشزدگی کے نتیجے میں 7افراد ہلاک اور 12زخمی ہوگئے،رپورٹس کے مطابق  جنوبی کوریا کے دارالحکومت سیول کے جنوبی علاقے بوچیون میں گرائونڈ پیلس ہوٹل کی 9منزلہ عمارت کی آٹھویں منزل پر آگ لگی، فائر فائٹرز نے 44افراد کو بچالیا اور 100افراد اپنی مدد آپ بحفاظت نکلنے میں کامیاب ہوئے،جن میں سے  3زخمیوں کی حالت تشویش ناک ہے تاہم زخمیوں کو قریبی ہسپتال منتقل کردیا گیا ہے  انہیں بہتر طبی امداد فراہم کی جا رہی ہے،حکام آگ لگنے کی وجہ جاننے کے لیے تحقیقات کر رہے ہیں۔