پیپلز پارٹی عوامی مسائل حل کرنے کیلئے کوشاں : قمر زمان کائرہ 

نوشہرہ ورکاں (نامہ نگار) پیپلز پارٹی کے مرکزی رہنما سابق وفاقی وزیرقمر زمان کائرہ نے کہا ہے کہ پاکستان پیپلز پارٹی عوامی جماعت ہے جو صدر مملکت آصف علی ذرداری اور چیئرمین پی پی پی بلاول بھٹو زرداری کی قیادت میں عوام کے مسائل کے حل کے لیے کوشاں ہے ۔پیپلز پارٹی کے بانی وچیئرمین سابق وزیر اعظم ذوالفقار علی بھٹو اور دختر مشرق اسلامی دنیا کی پہلی خاتون وزیر اعظم بے نظیر بھٹو شہید آج بھی عوام کے دلوں میں زندہ ہیں ان خیالات کا اظہار پاکستان پیپلز پارٹی کے مرکزی رہنما سابق وفاقی وزیر قمر زمان کائرہ نے نوشہرہ ورکاں میں پاکستان پیپلز پارٹی کے سابق تحصیل صدر راواشتیاق علی خاں کے ڈیرہ ہر آمد کے موقع پر کہا سابق تحصیل ناظم نوشہرہ ورکاں سردار محمد طارق رضاگجر ایڈووکیٹ،صدر تحصیل بار ایسوسی ایشن چوہدری ظہیر اکرم گورایہ ایڈووکیٹ اور جنرل سیکرٹری بار راؤ سبطین علی خاں ایڈووکیٹ بھی موجود تھے۔