اسلام آباد(نمائندہ خصوصی) وفاقی دارالحکومت کی تاجر برادری نے معروف کاروباری شخصیت عامر رحیم قریشی کی اسلام آباد چیمبر آف کامرس کے الیکشن میں ایگزیکٹیو ممبر نامزدگی کا خیر مقدم کیا ہے اس ضمن میں عبدالروف خالد ملک اعجاز عباسی وقار عباسی اسد عزیز شہزاد عباسی و دیگر نے یو بی جی کے جزل سیکرٹری ظفر بختاوری صدر چیمبر احسن بختاوری کا شکریہ ادا کرتے ہوئے کہا کہ فاونڈر گروپ کی جانب سے عامر قریشی کی نامزدگی خوش آئندہے وہ بلاشبہ تاجر برادری کی فلاح و بہبود میں کوئی دقیقہ فروگزاشت نہ کریں گے وہ اس گروپ کا اثاثہ ہیں اور انہیں کاروباری حلقوں میں قدر کی نگاہ سے دیکھا جاتا ہے عامر قریشی نے کہا کہ وہ تاجروں کے مسائل سے بخوبی واقف ہیں اور ان کے حل کے لیے اقدامات کریں گے۔