صوبہ بلوچستان کے علاقہ پشین میں دھماکے میں ہلاکتوں کی اطلاعات موصول ہوئی ہیں۔ میڈیا رپورٹس کے مطابق ‏پشین میں پولیس لائن کے قریب دھماکہ ہوا، جس میں ابتدائی طور پر 2 بچوں کے جاں بحق ہونے کی اطلاعات ہیں، دھماکے میں 5 پولیس اہلکاروں سمیت مجموعی طور پر 12 افراد زخمی بتائے جارہے ہیں، پولیس اور ریسکیو ادارے موقع پر پہنچ گئے جنہوں نے لاشوں اور زخمیوں کو ہسپتال منتقل کرنے کا عمل شروع کردیا۔ بتایا گیا ہے کہ مبینہ طور پر ریموٹ کنٹرول دھماکے سے ایک گاڑی اور موٹرسائیکل تباہ تباہ ہوگئی، تاہم ابتدائی معلومات میں دھماکے کی نوعیت کے بارے میں تصدیق نہیں ہوسکی، دھماکے سے کئی گاڑیوں کو بھی نقصان پہنچا جب کہ دھماکے میں بعض زخمیوں کی حالت تشویش ناک بتائی گئی ہے، جس کے باعث ہلاکتوں میں اضافے کا خدشہ ہے۔