ڈونگہ بونگہ (نامہ نگار) ڈونگہ بونگہ کے علاقہ میں خاوند نے دوسری بیوی سے مل کر پہلی بیوی کو قتل کرا دیا۔ موضع نجیب آباد بستی رومانہ کے زمیندار مدعی طالب حسین کے مطابق اس کی ہمشیرہ 35 سالہ نسیم بی بی کی شادی چچازاد ملزم صدیق سے 16 سال قبل ہوئی تھی اسی دوران ملزم نے ملزمہ روبینہ بی بی سے دوسری شادی کر لی۔ ملزم کا پہلی بیوی کے ساتھ اکثر لڑائی جھگڑا رہتا تھا اور اسے مارتا پیٹتا تھا۔ گزشتہ کچھ روز پہلے اس نے نسیم بی بی کو قتل کرکے نعش نہر میں پھینک دی جو گزشتہ روز پل نہر ہاکڑہ لنڈی جھال میں پھنسی ہوئی ملی۔ پولیس نے 6 افراد کے خلاف مقدمہ قتل درج کر لیا۔