اسلام آباد (اے پی پی) پاکستان باسکٹ بال فیڈریشن کے زیراہتمام اور پاکستان سپورٹس بورڈ کے تعاون سے سیف گیمز کی تیاری کیلئے قومی کھلاڑیوں کا تربیتی کیمپ (آج) پیر سے پاکستان سپورٹس کمپلیکس اسلام آباد میں شروع ہوگا۔ اسلام آباد باسکٹ بال ایسوسی ایشن کے سیکرٹری عمران بشیر کے مطابق تربیتی کیمپ میں 20کھلاڑیوں کو مدعو کیا گیا ہے اور انہیں کوچ صفدر حسین اور عمران بشیر تربیت دینگے ۔ واضح رہے کہ پاکستان سپورٹس کمپلکس اسلام آباد میں آل پاکستان انٹر بورڈز سپورٹس گالا کی وجہ سے تربیتی کیمپ 17دن کیلئے بند کر دیا تھا۔