لاہور (سپورٹس رپورٹر) قائد اعظم ٹرافی کرکٹ ٹورنامنٹ 2012-13ءکے پہلے مرحلے کا آغاز 26 دسمبر سے ملک بھر میں ایک ساتھ ہوگا۔ گروپ اے میں اسلام آباد ریجن اور ملتان ریجن کی ٹیموں کے درمیان میچ ڈائمنڈ کرکٹ گراﺅنڈ اسلام آباد میں کھیلا جائے گا۔ دوسرے میچ میں کراچی ریجن بلیو اور کوئٹہ ریجن کی ٹیمیں مد مقابل ہونگی جبکہ لاہور راوی اور سیالکوٹ ریجن کے درمیان میچ ظہور الہیٰ سٹیڈیم گجرات میں کھیلا جائے گا۔ گروپ بی میں لاہور شالیمار اور کراچی ریجن وائٹ کی ٹیمیں نیشنل سٹیڈیم کراچی میں نبر آزما ہونگی۔ حیدر آباد ریجن اور ایبٹ آباد ریجن کی ٹیمیں نیاز سٹیڈیم حیدر آباد میں آمنے سامنے ہونگی جبکہ فیصل آباد ریجن اور بہاولپور ریجن کی ٹیموں کے درمیان میچ اقبال سٹیڈیم فیصل آباد میں کھیلا جائے گا۔