ناظم آباد میں جنرل اسٹور پر فائرنگ سے قمرحسن، سید حسنین اور محمد حسین جاں بحق ہوگئے۔ مچھر کالونی چائنہ گودام کے قریب دو افراد کی لاشیں ملیں جنہیں امیر حسین اور محمد عالم کے نام سے شناخت کرلیا گیا۔ سہراب گوٹھ میں نامعلوم افراد نے فائرنگ کرکے کار سوار زوہیب کو قتل کردیا۔ ڈیفنس فیز چھ میں فائرنگ سے تنویر احمد نامی سیکیورٹی گارڈ جاں بحق ہوگیا۔ ایوب گوٹھ میں ہوٹل پر فائرنگ سے عبدالستار نامی شخص چل بسا۔ نارتھ کراچی انڈا موڑ پر ایک شخص کو گولیاں ماردی گئیں۔ کریلا موڑ پر فائرنگ سے مفتی معاویہ نامی شخص جاں بحق ہوگیا۔ ادھر رینجرز نے ایف سی موڑ کے قریب کارروائی کرتے ہوئے ٹارگٹ کلر سمیت آٹھ ملزمان کو گرفتار کرلیا۔ ملزمان کے قبضے سے اسلحہ اور بغیر نمبر پلیٹ کی پانچ گاڑیاں برآمد ہوئی ہیں۔