کراچی (کراچی رپورٹر) رینجرز نے کراچی کے مختلف علاقوں میں ٹارگیٹڈ آپریشن کرکے بارہ ملزمان کو گرفتار اور اسلحہ برآمد کرلیا۔ رینجرز ترجمان کے مطابق جن علاقوں میں ٹارگیٹڈ آپریشن کیا گیا۔ ان میں لانڈھی-36 بی ایریا‘ پی آئی بی پریس کوارٹرز‘ الراج اسکوائر گلبرگ بلاک14 ‘ کریم آباد‘ لیاقت آباد‘ لیاری‘ رنچھوڑ لائن‘ مہران ٹاﺅن‘ بلال کالونی‘ رفاہ عام سوسائٹی‘ ناتھا خان گوٹھ‘ فرنٹیئر کالونی اور اورنگی ٹاﺅن شامل ہیں جبکہ بلدیہ ٹاﺅن سیکٹر9 میں اسنیپ چیکنگ بھی کی گئی۔