لاہور کی بیکریوں میں کرسمس کیک مختلف رنگوں اور ذائقوں میں دستیاب ہیں۔ کرسمس کے موقع پر مسیحی برادری اپنے عزیزواقارب کوتحفے میں کیک پیش کرتی ہے.اسی مناسبت سے کرسمس کیک کی تیاری کے لیے بیکریوں اور ہوٹلوں میں خصوصی اہتمام کیا گیا ہے. دکانداروں کا کہنا ہے کہ رواں سال کیک کی فروخت میں اضافہ ہوا ہے.
شہریوں کا کہنا ہے کرسمس کیک پیار، محبت اور رواداری کے پیغام کو اجاگر کرنے میں معاون ہے.
کرسمس کی مناسبت سے ملک بھر میں تقریبات کا سلسلہ جاری ہے.مسیحی برادری سروس میں مصروف ہے. اس موقع پر ملکی سلامتی اورقیام امن کیلئے خصوصی دعائیں مانگی گئیں.