ساہیوال + کسووال + چیچہ وطنی (نامہ نگاران) دھند کے باعث ساہیوال اور کسووال میں کئی گاڑیاں آپس میں ٹکرا گئیں جس کے باعث باپ‘ بیٹے‘ کمسن بچی اور خاتون سمیت 11 افراد جاں بحق اور 55زخمی ہو گئے۔ تفصیل کے مطابق ملتان روڈ پر چک 9-136ایل فتو والا موڑ کے قریب شدید دھندکے باعث ایک نامعلوم ٹرالر نے موٹر سائیکل سوار وارث کو روند ڈالا جس سے وہ موقع پر ہی دم توڑ گیا۔ جس کے بعد کار ایک ویگن سے ٹکرا گئی جس کے بعد ایک مسافر بس‘ آئل ٹینکر‘ نجی کالج کی بس، کیری ڈبہ، 2کاریں، مسافر ویگن سمیت 12گاڑیاں پیچھے سے ٹکرا گئی جس کے نتیجہ میں 6 مسافر جاں بحق ہو گئے جبکہ 49 افراد زخمی ہو گئے۔ 18زخمیوں کی حالت تشویشناک ہے۔ حادثہ میں باپ بیٹا بھی دم توڑ گئے۔ علاوہ ازیں کسووال کے قریب جی ٹی روڈ پر باراتیوں کی ویگن پسرور سے میاں چنوں جارہی تھی کسووال کے قریب مسافر بس سے ٹکرا گئی جس میں ایک بچی اور ایک خاتون سمیت 5 افراد جاں بحق ہوگئے جبکہ 6 افراد زخمی ہوئے۔