پاکستان پولو کپ باڑیز نے ڈالر ایسٹ کو ہرا کر جیت لیا

لاہور (سپورٹس رپورٹر+نمائندہ سپورٹس) پاکستان پولو کپ 2016ء کے چوتھے روز باڑیز نے دلچسپ مقابلے کے بعد ڈالر ایسٹ کو 10-7 سے شکست دے کر مین فائنل کیلئے کوالیفائی کیا۔ تفصیلات کے مطابق لاہور پولو کلب میں پاکستان کپ کے سلسلے میں اہم میچ کھیلا گیا ۔ میچ کا آغاز ہی کافی تیز ہوا جب پہلے دو چکر میں باڑیز کی طرف سے سات گول سکور کردیئے گئے ۔ مگر پھر ڈالر ایسٹ کی طرف سے بھی بھرپور کھیل پیش کیا گیا اور تیسرے چکر کے اختتام پر سکور 8-6 ہوگیا۔ چوتھے چکر میں باڑیز کی طرف سے دو جبکہ ڈالر ایسٹ کی طرف سے ایک گول سکور کیا گیا۔میچ کا اختتام 10-7 گول سے ہوا۔فاتح ٹیم باڑیز کی طرف سے راجہ سمیع اللہ نے پانچ جبکہ حمزہ مواز خان نے چار گول سکور کیے جبکہ ڈالر ایسٹ کی طرف سے اینڈرس کرسپو نے پانچ گول جبکہ عمر اسجد ملہی نے دو گول سکور کیے ۔ ڈالر ایسٹ کی ٹیم سب سڈری فائنل کھیلے گی جبکہ باڑیز کی ٹیم مین فائنل کھیلے گی۔