شاہکوٹ (نامہ نگار)شاہکوٹ ننکانہ روڈ پر پولیس ٹریفک کھلوانے کے دوران پولیس اہلکاروں اور میجر ریٹائرڈ کے درمیان تلخ کلامی بات ہاتھا پائی تک اور تشدد تک جا پہنچی۔ گھنٹوں روڈ بلاک شہریوں کو شدید مشکلات کا سامنا ۔شاہ کوٹ ننکانہ روڈ پولیس تھانہ سٹی کے قریب مہر چوک میں ٹریکٹر ٹرالیاں پھنس جانے کے باعث ٹریفک بلاک ہو گئی ۔ پولیس راستہ کھلوانے میں مصروف تھی ۔ایک کار میں سوار میجر(ر)شاہد مسعو د اپنی بیوی اور بیٹی کے ہمراہ افتخار کالونی جا رہا تھا کہ پولیس کو مبینہ طورپر بدکلامی سے منع کر نے پر تلخ کلامی ہو گئی جس پر پولیس شاہد مسعو داور اہل خانہ کو تھانہ لے گئی جہاں شاہد مسود کومبینہ تشدد کا نشانہ بنا یا جس کے باعث اس کے کپڑے پھٹ گئے ۔وقوعہ کی اطلاع ملنے پر شاہد مسعو د کے لواحقین بھی موقع پر پہنچ گئے جنہوں نے ٹائر جلا کرڈیڑھ گھنٹہ تک مسلسل روڈ بلاک کر رکھی اور زبردست احتجاجی مظاہرہ بھی کیا انہوں نے تھانہ میں داخل ہو کر پولیس اہلکاروں کو بھی شدید زدوکوب کیا اطلاع ملنے پر ڈی پی اوننکانہ بھی موقع پرپہنچ گئے اور فریقین کے مابین صلح کرا دی ۔