سڈنی (اے پی پی) ویمنز بگ بیش لیگ میں سڈنی سکسرز اور میلبورن رینیگیڈز نے اپنے اپنے میچ جیت لئے۔ تفصیلات کے مطابق گزشتہ روز کھیلے گئے لیگ کے 15 ویں میچ میں سڈنی سکسرز نے ہوبارٹ ہریکینز کو 9 وکٹوں سے ہرا۔ فاتح ٹیم نے 99 رنز کا ہدف 14 ویں اوورز میں ایک وکٹ کے نقصان پر حاصل کر لیا۔ ایرن برنز نے 48 اور کپتان علیز پیری نے 41 رنز بنائے۔ ایک اور میچ میں میلبورن رینیگیڈز نے برسبین ہیٹ کو 10 وکٹوں سے شکست دی۔ میلبورن رینیگیڈز نے 67 رنز کا ہدف 11 ویں اوور میں بغیر کسی نقصان کے حاصل کر لیا۔ سوفی مولینو کو 45 رنز کی ناقابل شکست اننگز کھیلنے پر میچ کی بہترین پلیئر قرار دیا گیا۔