اقراءعزیز اور شہزاد شیخ کا نیا ڈرامہ ’تعبیر

ملتان(شوبزڈیسک)اداکارہ اقراءعزیز اور شہزاد شیخ بہت جلد ایک ساتھ دوبارہ نئے ڈرامے میں کام کرتے نظر آئیں گے۔ نئے ڈرامے ’تعبیر‘ میں یہ دونوں ایک ساتھ نظر آئیں گے، اس کی ہدایات احسن تالش کررہے ہیں۔اس ڈرامے کہ حوالے سے اقراءکا کہنا تھا کہ ’میں کافی پرجوش ہوں، کیوں کہ جب احسن بھائی نے مجھے اسکرپٹ کے بارے میں بتایا تو میں نے اس ہی وقت ان سے کہا کہ آپ کہیں نہیں جارہے، چاہے جو بھی ہو اس ڈرامے میں میں ہی کام کروں گی‘۔اس ڈرامے کا اسکرپٹ عمران اشرف نے تحریر کیا۔
ڈرامے کے ہدایت کار احسن تالش نے اس حوالے سے بتایا کہ ’کچھ عرصہ قبل میں نے اس اسکرپٹ کی دو اقساط پڑھیں۔
تب میں نے پوچھا یہ کس نے لکھا ہے، مجے بہت حیرانی ہوئی جب پتا چلا کے یہ عمران اشرف کی تحریر ہے، کچھ مسائل کے باعث ہم اس ڈرامے پر کام نہیں کرپائے لیکن اب اس پر کام جاری ہے‘۔’تعبیر‘ میں عمران اشرف، بی گل، زینب احمد، علی سفینا، عامر قریشی کام کرتے نظر آئیں گے۔