کراچی: ڈیپارٹمنٹل سٹور میں فیومیگیشن کے باعث ملازم جاں بحق، 8 کی حالت غیر

کراچی (آن لائن)کراچی کے علاقے نارتھ ناظم آباد میں واقع ایک ڈپارٹمنٹل سٹور میں فیومیگیشن کے باعث ایک ملازم جاں بحق جبکہ 8 کی حالت غیر ہوگئی۔ نارتھ ناظم آباد میں واقع ایک ڈپاٹمنٹل سٹور میں چوہوں کو مارنے کے لئے کرائی گئی فیومیگیشن سے متعدد افراد کی حالت خراب ہوئی۔ بعدازاں متاثرہ افراد میں سے ایک 24 سالہ نوجوان یحییٰ دوران علاج دم توڑ گیا۔ حیدری تھانے کے افسر خالد مغل نے بتایا کہ جاں بحق نوجوان کے ماموں کی جانب سے پولیس کو اطلاع ملنے کے بعدسٹور کے مینجر واصف اور فیومیگیشن کرنے والے افراد سمیت 4 افراد کو حراست میں لے لیا گیا۔