اسلام آباد (این این آئی)پاکستان میں چین کے سفیر ینگ ژائو نے کہا ہے کہ چین پاکستان کو اپنی ہمسائیگی کی پالیسی میں اوّلین ترجیح دیتا رہیگا۔ پاکستان میں اپنی نئی ذمہ داریاں سنبھالنے کے بعد ہفتہ کو اپنے ایک پیغام میں چینی سفیر نے کہاکہ چین پاکستان اقتصادی راہداری کے شاندار نتائج آئے ہیں۔ انہوں نے کہا کہ چین مشترکہ مستقبل کیلئے چین پاکستان مشترکہ معاشرے کے قیام کیلئے کام کرتارہیگا۔ انہوں نے کہاکہ دونوں ملک مشکل کی ہرگھڑی میں ایک دوسرے کے شانہ بشانہ ہیں اورہم ایک خطہ ایک شاہراہ کے سلسلے میں قریبی تعاون جاری رکھیںگے۔