امریکی صدر ڈونلڈ ٹرمپ نے کہا ہے کہ ترک صدر طیب اردگان ہی وہ شخص ہیں جو داعش کا خاتمہ کرسکتے ہیں۔امریکی صدر کی ترک ہم منصب کو فون کال کی تفصیلات سامنے آئی ہیں جس میں ٹرمپ نے اردگان کو کہا کہ ہم اپنا کام کرچکے ہیں اب شام آپ کے حوالے۔ سینیئر امریکی عہدیدار کے مطابق 14 دسمبر کو امریکی صدر ڈونلڈ ٹرمپ اور ترک صدر رجب طیب اردگان کے درمیان گفتگو میں ڈونلڈ ٹرمپ نے کہا کہ ہم اپنا کام کرچکے ہیں اب شام آپ کے حوالے اور آپ ہی وہ شخص ہیں جو داعش کا خاتمہ کرسکتے ہیں۔وائٹ ہاؤس کے ایک اور سینیئر حکام نے کہا کہ ترک صدر رجب طیب اردگان نے امریکی صدر کو یقین دلاتے ہوئے کہا کہ ہم شام میں داعش کا خاتمہ کردیں گے، ہم نے پہلے بھی یہ کام کیا ہے اور جب تک امریکا کی لاجسٹسک سپورٹ ساتھ ہے ہم داعش کا خاتمہ کرسکتے ہیں۔ دوسری جانب امریکی صدر ٹرمپ نے اپنی ٹوئٹ میں کہا ہے کہ ترکی شام میں داعش کی باقیات کا خاتمہ کردے گا، طیب اردگان ہی وہ شخص ہے جو یہ کام کرسکتا ہے جب کہ امریکی فوج واپس گھر آرہی ہیں۔
President @RT_Erdogan of Turkey has very strongly informed me that he will eradicate whatever is left of ISIS in Syria....and he is a man who can do it plus, Turkey is right “next door.” Our troops are coming home!
— Donald J. Trump (@realDonaldTrump) December 24, 2018
I just had a long and productive call with President @RT_Erdogan of Turkey. We discussed ISIS, our mutual involvement in Syria, & the slow & highly coordinated pullout of U.S. troops from the area. After many years they are coming home. We also discussed heavily expanded Trade.
— Donald J. Trump (@realDonaldTrump) December 23, 2018
واضح رہے کہ چند روز قبل امریکی صدر ڈونلڈ ٹرمپ نے اپنے ویڈیو پیغام میں شام سے امریکی فوجیوں کو واپس بلانے کا اعلان کرتے ہوئے کہا تھا کہ ہم نے شام میں داعش کو شکست دیدی ہے۔
