مسجد الحرام کے دروازوں پرنئی نمبرنگ

مکہ (اے پی پی) مسجد الحرام کی انتظامیہ کے مطابق مسجد کے دروازوں کی روشن اور واضح رنگوں سے نئی نمبرنگ شروع کردی گئی ہے۔ یہ فیصلہ زائرین کی سہولت کے لیے کیا گیا ہے۔سعودی میڈیا کے مطابق مسجد الحرام کی انتظامیہ نے کنگ فہد والے توسیعی حصے کے گیٹ 79سے روشن اور و اضح رنگوں سے نمبرنگ کا تجربہ شروع کیا ہے۔ اس تجربے کا کاجائزہ لیا جارہا ہے۔ کامیابی کی صورت میں مسجد الحرام کے تمام دروازوں کی روشن رنگوں سے نمبرنگ کا سلسلہ شروع کردیا جائے گا۔روشن اور واضح رنگوں سے حرم شریف کے دروازوں کی نمبرنگ عربی اور انگریزی دونوں زبانوں میں کی جارہی ہے۔