چیئرمین سینیٹ محمد صادق سنجرانی کی پاکستان کرکٹ ٹیم کو سری لنکا کے خلاف ٹیسٹ سیریز جیتنے پر مبارکباد

اسلام آباد (وقائع نگار خصوصی) چیئرمین سینیٹ محمد صادق سنجرانی نے پاکستان کرکٹ ٹیم کو سری لنکا کے خلاف ٹیسٹ سیریز جیتنے پر مبارکباد دیتے ہوئے کہا ہے کہ پاکستان کرکٹ ٹیم نے کھیل کے تمام میں بہتر کارکردگی کا مظاہرہ کیا، پاکستان کا دورہ کرنے پر سری لنکن ٹیم ، حکومت اور عوام کے شکر گزار ہیں۔ پیر کو سینیٹ سیکرٹریٹ کے مطابق چیئرمین سینیٹ صادق سنجرانی نے کہا کہ سری لنکن ٹیم کا پاکستان میں کھیلنا دوسری ٹیموں کے لئے بھی پیغام ہے۔ پاکستان میں سیکیورٹی صورتحال یکسر مختلف ہے۔انہوں نے کہا کہ کھیل کے شعبوں میں بین الاقوامی برادری کے اعتماد کی بحالی کیلئے کئے گئے اقدامات لائق تحسین ہیں۔ ٹیم انتظامیہ، پی سی بی اور حکومت کی کوششیں مزید تیز کرنے کی ضرورت ہے۔