معروف صدارتی ایوارڈ یافتہ اداکارہ مہوش حیات کا کہنا ہے کہ سابق امریکی صدر اوباما کی اہلیہ مشیل اوباما نے اگر امریکہ کے2020 کے الیکشن میں حصہ لیا تو وہ جیت کے بعد امریکا کی بہترین صدر ثابت ہوں گی۔ گزشتہ روز سماجی رابطے کی ویب سائٹ ٹوئٹر پر مشیل اوباما کی ایک ویڈیو شیئر کرتے ہوئے لکھا کہ میں مشیل اومابا اور ان کے کام سے بہت متاثر ہوتی ہوں جو کام وہ اوباما فانڈیشن کے ساتھ مل کر کر رہی ہیں، یہ واقعی قابلِ تعریف ہے۔مہوش حیات نے لکھا کہ میں حیران ہوں مشیل اوباما ابھی تک امریکا کے اگلے انتخابات میں حصہ لینے کا سوچ رہی ہیں، مجھے لگتا ہے کہ مشیل اوباما امریکا کے لیے بہترین صدر ثابت ہوں گی۔ انہوں نے اپنے ٹوئٹ میں امریکا سے سوال کیا کہ امریکا والوں آپ اِس بارے میں کیا سوچتے ہو؟انہوں نے اپنے ٹوئٹ میں دو ہیش ٹیگ بھی استعما ل کیے Michelleforpresident اور 2020Election۔واضح رہے کہ مشیل اوباما امریکا کے سابق صدر بارک اوباما کی اہلیہ ہیں اور وہ بھی اپنے شوہر کی طرح فلاح و بہود کے کاموں میں بڑھ چڑھ کر حصہ لیتی ہیں جس کی وجہ سے لوگ ان کو بہت پسند کرتے ہیں۔