اسلام آباد( نمائندہ خصوصی)پاکستان پیپلز پارٹی شعبہ خواتین ضلع اسلام آباد کی صدر شہزادی کوثر گیلانی نے فردوس عاشق اعوان کو باکسنگ کے مقابلے کے لئے چیلنج کرتے ہوئے کہا ہے کہ تم بھی سیالکوٹ کی ہو اور میں بھی سیالکوٹ کی اس لئے اچھا ہوگا کہ سیالکوٹ کے میدان میں مقابلہ ہو۔ سیالکوٹ کے عوام نے تمہیں پہلے ہی سیاست سے عاق کر دیا ہے۔ اپنے ایک بیان میں شہزادی کوثر گیلانی نے کہا کہ فردوس عاشق اعوان اپنا پستہ قد بڑھانے کے لئے آئے روز چیئرمین پیپلزپارٹی بلاول بھٹو زرداری کے خلاف بیان بازی کرتی ہیں۔