آواران: بلوچستان کے علاقے آواران میں سیکیورٹی فورسز کا دہشت گردوں کے ٹھکانوں پر آپریشن۔ دہشت گردوں سے فائرنگ کے تبادلے میں حولدار شعیب شہید۔
آئی ایس پی آر کے جاری بیان کے مطابق بلوچستان کے علاقے آواران میں دہشتگردوں سے مقابلے میں حوالدار شعیب شہید ہو گئے۔ تفصیلات کے مطابق سیکیورٹی فورسز نے خفیہ معلومات کی روشنی میں دہشت گردوں کے ٹھکانوں پر آپریشن کیا جہاں فائرنگ کا تبادلہ ہوا جس میں ایک دہشت گرد ہلاک جبکہ ایک کو گرفتار کرلیا گیا۔ آپریشن کے دوران بھاری تعداد میں اسلحہ و گولہ بارود اور مواصلاتی آلات برآمد کرلئے گئے۔
