پنجاب انٹرنیشنل اوپن سکواش: طیب، اسرار، ذیشان‘ عاصم سیمی فائنل میں

لاہور(سپورٹس رپورٹر)طیب اسلم، اسرار احمد، ذیشان زیب اور عاصم خان نے پنجاب انٹرنیشنل اوپن سکواش چیمپئن شپ کے سیمی فائنلز میں جگہ بنا لی، سیمی فائنلز آج کھیلے جائیں گے۔ چیمپئن شپ کے تیسرے روز کوارٹر فائنلز کھیلے گئے جس میں طیب اسلم نے سعید عبداللہ کو ایک کے مقابلے میں تین گیمز سے شکست دیکر سیمی فائنل میں جگہ بنائی۔دوسرے کوارٹر فائنل میں اسرار احمد نے حمزہ شریف کو سٹریٹ گیمز میں مات دے کر ٹاپ فور میں رسائی حاصل کی۔تیسرے کوارٹر فائنل میں ذیشان ذیب نے فرحان زمان کو 0-3 جبکہ چوتھے کوارٹر فائنل میں عاصم خان نے وقاص محبوب کو سٹریٹ گیمز میں شکست دیکر سیمی فائنل کیلئے کوالیفائی کرلیا۔