کر بڑھتی مہنگائی اور بے روزگاری نے شدید مشکلات کھڑی کر دیں۔علامہ صادق جعفری

کراچی (نیوز رپورٹر) مجلس وحدت مسلمین کراچی ڈویژن کے سیکرٹری جنرل علامہ صاق جعفری  نے کہا کہ ہے ملک میں بڑھتی ہوئی مہنگائی اور بے روزگاری نے عام آدمی کے لیے شدید مشکلات کھڑی کر دیں ہیں۔موجودہ صورتحال میں متوسط طبقہ سب سے زیادہ متاثر ہوا ہے۔ تحریک انصاف کی  ’’تبدیلی‘‘کے نعرے کو حوصلہ افزا تب ہی قرار دیا جا سکتا ہے جب ملک میں بسنے والوں کا نظام زندگی بہتر ہوتا دکھائی دے۔انہوں نے کہا کہ پڑھے لکھے نوجوانوں کو ملازمتوں کی فراہمی ریاست کی ذمہ داری ہے۔جس کے لیے بلاتاخیر ضروری اقدامات اٹھانے ہوں گے۔محض خوشنما  نعروں سے عوام کو خوش نہیں کیا جا سکتا۔ملک میں پڑھے لکھے افراد کو روزگار کی عدم فراہمی ان کے خاندانوں کے لیے بے چینی میں اضافہ کا باعث ہے،جسے دور کرنا ہو گا۔انہوں نے کہا سندھ سمیت ملک کے مختلف حصوں میں لاقانونیت کے بڑھتے ہوئے واقعات نے عدم تحفظ کے احساس میں اضافہ کیا ہے۔قتل و غارت، ڈکیتی، اور لوٹ مار کی آئے روز وارداتیں قانون کی عمل داری پر سوالیہ نشان ہیں۔جرائم کے واقعات میں تیزی امن و امان قائم کرنے والے اداروں کی ناکامی کا منہ بولتا ثبوت ہے۔انہوں نے کہا ایسے واقعات سے حکام بالا کی چشم پوشی مجرمانہ غفلت کے زمرے میں آتی  ہے جو نامناسب ہے۔ انہوں نے حکومت سے مطالبہ کیا ہے کہ عوام کے مسائل کے حل اور بنیادی حقوق  پر خصوصی توجہ دی جائے۔