اسلام آباد(اپنے سٹاف رپورٹر سے) ٹریفک پولیس نے کالے شیشوں، فینسی نمبر پلیٹوں، غیر قانونی اور ڈبل پارکنگ کے خلاف گرینڈ آپریشن کیا شاپنگ مالز،تجارتی مراکز، مارکیٹس خصوصاً جی الیون مرکز،ایف الیون مرکز،ایف ٹین مرکز،جی نائن مرکز،جی ایٹ مرکز، آئی ایٹ مرکز، بحریہ ٹاؤن، بلیوایریا،جناح سپر،F-6سپر مارکیٹ،آبپارہ اور بھارہ کہومارکیٹ شامل ہیںایس ایس پی ٹریفک رائے مظہر اقبال کی زیر نگرانی ٹریفک قوانین کی خلا ف ورزیوں پر ٹریفک پولیس نے بلا امتیاز کارروائی کرتے ہوئے گزشتہ ایک ہفتے کے دوران متعدد گرینڈ آپریشن کئے گئے، اس مہم کیلئے ٹریفک پولیس کے افسران و جوانوں پر مشتمل اضافی نفری کے ساتھ اسپیشل اسکواڈ بھی تشکیل د یے گئے ہیں جوکہ شام 7بجے سے رات  11بجے تک مارکیٹس میں گرینڈ آپریشنز کر رہے ہیںان گرینڈ آپریشنز کے دوران مختلف مارکیٹس میںگزشتہ ایک ہفتے میں ٹریفک قوانین کی خلاف ورزیوں پر ٹوٹل 9078 چالان ٹکٹ جاری کئے گئے غیر قانونی اور ڈبل پارکنگ کے خلاف کارروائی کرتے ہوئے ٹریفک پولیس نے 370 گاڑیوں کوچالان ٹکٹ اور متعدد گاڑیاں مختلف تھانوں میں بند کر کے کارروائی عمل میں لائی گئی اس کے ساتھ مختلف مارکیٹس میں گرینڈ آپریشنز کے دوران451کالے شیشے والی گاڑیوں، 520 فینسی نمبرپلیٹس سمیت9078 دیگر ٹریفک قوانین کی خلاف ورزی پر کارروائی کی گئی ۔