نوشہرہ ورکاں میں بھی کرسمس کی تیاریاں عروج پر، گرجا گھروںکو سجادیا گیا

نوشہرہ ورکاں (نمائندہ نوائے وقت) مسیحی برادری ہر سال 25 دسمبر کو کرسمس کا تہوار انتہائی عقیدت و احترام سے مناتی ہے اس سلسلے میں دنیا بھر کی طر ح نوشہرہ ورکاں میں بھی کرسمس کی تیاریاں عروج پر پہنچ گئیں ہیں گرجا گھروں، کرسمس ٹری، سانتا کلاز اور گھروں کو خوبصورت آرائشی ساز و سامان اور قمقموں سے سجا لیا ۔ آج رات اور کل 25 دسمبر کے دن مسیحی برادری گرجا گھروں اپنی عبادت کریں گی مسلم سوسائٹی کے راہنما محمد اکبر مدنی، پیپلز پارٹی کے راہنماء شبیر حیدر مبارک، مسلم لیگ کے اقبال صدیق سدھو، اکبر علی قاسمی، پاکستان فیڈرل یونین آف جرنلسٹس کے طیب معاویہ اولکھ، سیٹھ محسن حسن، عبدالستار انیس، سجاد بھٹی اور ڈاکٹر انعام الحق نے مسیحی برادری سے اظہار یکجہتی کے لئے سینٹ جوزف چرچ میں کرسمس کا کیک کاٹا اس موقع پر مسیحی برادری کے ایلڈر ڈاکٹر عباس بھٹی، پطرس رکھا، ایلڈر شہباز صادق، ایلڈر یونس مسیح، سلیم مسیح سہوترا، رفیق منگل مسیح، بشیر مسیح سندھو اور دیگر افراد موجود تھے۔