ٹوکیو (اے پی پی)جاپان میں گزشتہ ہفتے سے جاری برفباری سے اموات 8 ہوچکی ہیں جبکہ زخمیوں کی تعداد 45 ہو گئی ہے۔ جاپانی نشریاتی ادارے نےوزارت داخلہ اور مواصلات کی فائر اینڈ ڈیزاسٹر مینجمنٹ ایجنسی کا حوالہ دیتے ہوئے بتایا کہ برفباری سے جاپان کے شمال اور مغربی حصے میں نظام زندگی شدید متاثر ہوا ۔

 ماہرین موسمیات نے شمالی اور مغربی علاقوں میں مزید برفباری کی پیشن گوئی کی ہے ۔ملک میں آئندہ 24 گھنٹوں کے دوران بعض علاقوں میں 30 سے 90 سینٹی میٹر تک برفباری ہو سکتی ہے۔ حکام نے شہریوں سے بلا ضرورت گھر سے باہر نہ نکلنے کی اپیل کی ہے ۔
جاپان برفباری