نا ظم آباد میں کسٹمز حکام کی خفیہ اطلاع پرکامیاب کارروائی ، گٹکا انتہائی مہارت سے کچرے کے نیچے چھپایا گیا تھا

کراچی (اسٹاف رپورٹر)کراچی میں پاکستان کسٹمز کے عملے نے کچرے کے ٹرک کے ذریعے گٹکے کی اسمگلنگ کی کوشش ناکام بنا کر ٹرک کو ضبط کر لیاہے۔کسٹم حکام نے کارروائی کرتے ہوئے کچرے کے ٹرک سے 4 کروڑ روپے مالیت کا اسمگل شدہ بھارتی گٹکا برآمد کر لیا۔کسٹم حکام کے مطابق ناظم آباد میں خفیہ اطلاع پر پاکستان کسٹمز کے عملے نے کچرے سے لدے ٹرک کی تلاشی لی جہاں کچرے کے نیچے خفیہ طریقے سے چھپایا گیا گٹکا برآمد کیا۔دوسری جانب کسٹم حکام نے بلوچستان سے کراچی پہنچنے والی مسافر بس کے خفیہ خانوں سے کروڑوں روپے مالیت کی اسمگل کی گئی اشیاءبرآمد کر لی ہیں۔کسٹم حکام کی جانب سے بس اور سامان کو تحویل میں لے کر ضبط کر لیا گیاہے، جن میں آئی فونز، اسمارٹ فونز، ٹیبلیٹس، سلائی مشینیں، ایرانی کوکنگ آئل اور غیر ملکی سِگریٹس شامل ہیں۔ضبط کیے جانے والے سامان میں غیر ملکی لیڈیز، جینٹس کپڑا اور دیگر متفرق اشیا بھی شامل ہیں۔دونوں کارروائیوں میں ملوث افراد کے خلاف کسٹمز ایکٹ کے تحت مقدمات درج کر کے قانونی کارروائی شروع کر دی گئی ہے۔
اسمگل شدہ سامان