ملتان،میلسی ( سماجی رپورٹر، تحصیل رپورٹر) ملتان سمیت جنوبی پنجاب میںسرد اور ٹھنڈی ہواو¿ں نے نظام زندگی مفلوج کر کے رکھ دیا ہے دن اور رات کے اوقات میں فوگ دیر تک چھائے رہنے کی وجہ سے آمد و رفت میں مشکلات کا سامنا کرنا پڑ رہا ہے شہریوں کی اکثریت گھروں تک محدود ہو کر رہ گئی ہے ۔رحیم یارخان سے خبر نگارکے مطا بق شدید سردی نے شہریوں کوبھی گھروں تک محدود کردیا جبکہ دکاندارحضرات دکانوں کے باہر سردی کی شدت کوکم کرنے کیلئے آگ جلاکر سردی کی شدت کوکم ہوتے دکھائی دئیے۔ سردہواو¿ں کے چلتے ہی شہریوں کی بڑی تعداد گرم جیکٹیں،جرسیاں،جرابیں اورٹوپیاں خریدنے لنڈے بازاروں کی طرف چل پڑی لیکن لنڈامالکان کی طرف سے مہنگی ملبوسات ملنے پرشہری سخت نالاں ہیں۔ میلسی سے تحصیل رپورٹرکے مطابق شام ہوتے ہی شدید دھند پڑنے سے سردی میں اضافہ ہوگیا۔حدِ نگاہ محدودہونے سے حادثات میں اضافہ ہوگیا۔میونسپل کمیٹی کی شہری حدود میں سٹریٹ لائٹس بھی بند ہوگئیں۔
نظام زندگی مفلوج
